Fenerbahce ka arritur të fitojë derbin e javës së 19-të në Superligën e Turqisë ndaj Istanbul Basaksehir me rezultat 2-0, ndërsa njëri gol është shënuar nga sulmuesi i Kosovës, Vedat Muriqi.
Ylli i Kosovës, Vedat Muriqi nuk ka të ndalur në kampionatin turk me skuadrën e Fenerbahces.
Shtatlarti prizrenas ka arritur të gjej përsëri golin pas rikthimit nga suspendimi prej një ndeshje pas kartonit të kuq ndaj Gaziantepsporit.
Muriqi është treguar vendimtar dhe sulmues i madh në ndeshjen e Fenerit në shtëpi ndaj Basaksehirit duke vulosur fitoren e ekipit të tij.
GOOOOOOOOOL! VEDAAAAAAT! 2-0 pic.twitter.com/2xFNEFwSKT
— Fenerbahçe SK (@Fenerbahce) January 25, 2020
Goli i Muriqit erdhi nga afërsia në minutën e 86-të pas asistimit të Garry Rodrigues.
Ky ishte goli numër 12 i prizrenasit në këtë sezon në Superligën e Turqisë, ndërsa ka edhe katër asistime. /Telegrafi/