Kosova pritet të ketë disa mungesa të rëndësishme për ndeshjen më të rëndësishme në historinë e saj.
Dardanët do të luajnë në udhëtim te Maqedonia e Veriut në gjysmëfinalen e Play Offit të Divizionit D në Ligën e Kombeve.
Milot Rashica, Hekuran Kryeziu, Idriz Voca, Besar Halimi janë disa nga lojtarët që mungojnë shkaku i lëndimeve.
E për këtë takim është konfirmuar mungesa e Samir Ujkanit, ndërsa në dyshim janë kapiteni Amir Rrahmani dhe sulmuesi Vedat Muriqi.
Kapiteni Rrahmani është në dyshim për shkak të situatës me Covid-19 te Napoli, ndërsa pyetja ishte se kush do ta bartë shiritin e kapitenit për këtë sfidë.
“Më jep t’i një emër kë mund ta bëjmë kapiteni”, iu drejtua Challandes gazetarit.
“Ishte shaka, pasi ky është problemi më i vogël që e kam, edhe pse ishte një pyetje e mirë”.
“Kemi në skuadër lojtarë me përvojë dhe lider si Herolind Shala dhe Valon Berisha që më herët kanë bartur shiritin e kapitenit në disa ndeshje”.
“Ata mund të jenë, por ka edhe lojtarë të tjerë, do të mendoj për këtë më vonë”, ka deklaruar Challandes.
Gjithsesi tekniku zviceran i Kosovës vazhdon të besojë se do të mund ta nxjerrin Amir Rrahmanin nga Napoli për këto takime të rëndësishme.
“Por unë prapë po them se mendoj që Rrahmani do të jetë me ne dhe do të jetë kapiten”, ka deklaruar Challandes duke qeshur. /Telegrafi/