Jose Mourinho ka pranuar se ka qenë e vështirë që të bindej Paul Pogba ta braktiste Juventusin për Manchester Unitedin për shumën rekorde prej 110 milionë eurosh.
Strategu portugez ka treguar se ka pasur konkurrencë nga një tjetër klub i madh që dëshironte shërbimet e francezit (që besohet të ketë qenë Real Madridi).
“Oh! Ishte shumë vështirë ta bindje. Kam folur shumë herë në telefon dhe i kam dërguar shumë SMS”.
“Mendoj se ai e merrte një SMS në mëngjes nga trajneri i një klubi tjetër të madh dhe një pasdite nga unë”.
“Më është dashur të përpiqesha shumë për ta bindur të na zgjidhte neve para të tjerëve”, ka treguar Mourinho.
Menaxheri i Djajve të Kuq ka folur edhe për Ligën e Kampionëve duke u zotuar se në edicionin e ardhshëm, Unitedi do të jetë pjesë e garës më të madhe evropiane. /Telegrafi/