Telegrafi

Mourinho nuk heq dorë nga Perisic, në radar edhe Rebic

Ivan Perisic duke festuar golin ndaj Francës me Ante Rebic (Foto: Getty Images)

Duket se Jose Mourinho nuk dëshiron të heq dorë nga Ivan Perisic.

Trajneri i Manchester Unitedit është refuzuar në verën e kaluar nga Interi, por një ofertë e re mund të ndryshojë gjërat.

Special One duket se ka qenë ndjekës i madh i Përfaqësueses së Kroacisë në Kampionatin Botëror ‘Rusia 2018’, dhe ylli zikaltër nuk është i vetmi në radarin e Djajve të Kuq.

Ivan Perisic duke festuar golin në finale ndaj Francës me Ante Rebic (Foto: Getty Images)

Sipas The Sun, Edhe Ante Rebic pëlqehet shumë nga Mohurinho dhe ekzistojnë mundësitë që në sezonin e ri do ta shikojmë atë në Old Trafford.

Rebic aktualisht është pjesë Eintracht Frankfurtit, ndërsa në të kaluarën ka luajtur edhe për Fiorentinas, Hellas Veronës dhe RB Leipzig.

Lexo po ashtu Fali Ramadani nis bisedimet me Unitedin, Perisic pritet të largohet nga Interi

Për transferuar dyshen Unitedi duhet të shpenzojë rreth 100 milionë euro.

Perisic në këtë Botëror ka shënuar tre gola dhe ka dhuruar një asistim, kurse Rebic vetëm një gol. /Telegrafi/