Djelmoshat e Liverpoolit që mbledhin topat rreth fushës u bënë qendra e vëmendjes gjatë fitores së tyre të famshme 4-0 kundër Barcelonës në Anfield.
Ata u udhëzuan nga klubi për të vepruar shpejt për të ndihmuar klubin për të përfituar nga mbrojtja e Barcelonës, e cila shpesh nuk ishte e gatshme në kohë.
Për golin e dytë të Divock Origit dhe të katërtin për Reds, veprimi i shpejt i mbledhësit të topave i lejoi Trent Alexander-Arnoldit të ofronte shpejt një harkim për Origin, i cili shënoi golin e 4-0.
Dhe kjo është diçka që i pëlqen trajnerit Jose Mourinho, i cili ka lavdëruar Liverpoolin për zbatimin e strategjisë së tyre me djemtë e topit.
“Ju doni një rivënie të shpejtë me duar, mbledhësi i topit duhet të dijë që ju doni një rivënie të shpejtë. Topi duhet të arrijë shpejt”, ka thënë fillimisht Mourinho për RT.isje
The ball boy was on his job 😂 Liverpool need to give him a season ticket for life after that 😂😂
— Alexis’ Kavkas View (@AlexisIsKavkas) May 8, 2019
“Nisjet e topit nga portieri, ritmi i lojës, mbledhësit e topave gjithashtu mund të luajnë rol në një strukturë të mirë”.
“Në këtë ndeshje, fëmija ishte shumë inteligjent, shumë i ndritshëm”.
“Kam pasur një klub ku nuk e kanë kuptuar se sa të rëndësishëm janë djemtë që mbledhin topat”.
“Unë isha një mbledhës i topave. Kur unë isha një mbledhës i topave, e dija se ku lojtarët donin topin për një këndore, kështu që nuk kishin nevojë të preknin topin”.
“Në një klub të vërtetë të futbollit, çdo detaj është shumë, shumë i rëndësishëm”, përfundoi portugezi. /Telegrafi/