Moska, Krasnodarsky dhe rajone të tjera në zjarr: Rusia po përjeton sulme të fuqishme

Rusët kanë përjetuar në lëkurën e tyre një ndër sulmet më të fuqishme që ka realizuar Ukraina.

Këta të fundit kanë sulmuar brenda territorit rus katër objektiva të ndryshme.

Lexo po ashtu Ukrainasit tregojnë se cilat armë të rënda sot ia shkatërruan rusëve - në total kapin vlerën e 47 milionë eurove

Së pari, një rafineri nafte u sulmua në rajonin Krasnodarsky. Sulmi me dron shkaktoi zjarr të madh, raporton skynews.

Gjithashtu edhe kryeqyteti rus, Moska është në zjarr. Një pallat gjashtëkatësh është në flakë. Sipërfaqja e zjarrit ka arritur në 4000 metra katrorë. Ende nuk raportohet për viktima. Për shuarjen e zjarrit është përfshirë edhe aviacioni.

Një zjarr i rëndë ka shpërthyer edhe në rajonin e Permit për shkak të një shpërthimi në një tubacion gazi, raportojnë mediat ruse.

Në vendbanimin Kueda u dogjën tanke hekurudhore. Zjarri tashmë ka nisur të përhapet edhe në banesa. Sipas të dhënave paraprake ka viktima.

Ndryshe, Ukraina kohët e fundit ka nisur të sulmojë objektiva brenda Rusisë si kundërpërgjigje ndaj pushtimit, i cili po hyn në vitin e tretë. /Telegrafi/