Gjatë ditë së djeshme një 83 vjeçar nga Mitrovica e Jugut vdiq në Klinikën Infektive të QKUK, nuk ka vdekur nga COVID-19, siç dyshohej.
I moshuari, i cili ishte i dyshuar për coronavirus, pas testimeve të kryera rezultoi negativ.
Lajmin e ka konfirmuar drejtoresha e Klinikës Infektive, Lindita Ajazaj-Berisha.
“Bëhet fjalë për të njëjtin person, është pranuar si i dyshimtë mirëpo ka rezultuar negativ”, tha ajo për Klan Kosova.
Drejtoresha mes tjerash tregoi edhe për gjendjen e pacientëve të shtrirë në Klinikën Infektive.
“36 persona të prekur me COVID-19 janë në trajtim në Klinikën Infektive ku pesë prej tyre janë me oksigjenoterapi duke u menaxhuar nëpër reparte ndërsa vetëm një rast është në mjekimin intenviz. Sot edhe një person lirohet si i shëruar”, deklaroi Ajazaj-Berisha.