Claude Makelele për disa vite ka qenë njëri nga mesfushorët defensivë më të mirë në botë.
Ish-reprezentuesi francez ishte pjesë e skuadrave të mëdha si Olympique Marseille, Real Madrid, Chelsea dhe Paris Saint Germain.
Makelele ka pasur për detyrë nga trajnerët e tij që të kujdeseshin për lojtarët më të mirë të skuadrave kundërshtare.
Tani në moshën 46-vjeçare francezi ka zbuluar një prapaskenë mjaftë interesante në ndeshjen Chelsea – Barcelona ku kishte përballë njërin nga futbollistin më të mirë të të gjitha kohërave, brazilianin Ronaldinho.
“Ronaldinho është i ngjashëm me Zidanen që kam luajtur me të, një artist me topin”.
“Në një ndeshje mes Chelseat dhe Barcelonës, ai e morri topin e ndali dhe filloi t’i bënte ato lojërat e tij”.
“Në atë moment i thashë: Nëse vazhdon me këto lojëra si në Play Station atëherë do të bëjë për spital”, deklaroi Makelele.
Pas këtyre fjalëve të francezit, Ronaldinho ia kishte dhënë topin atij dhe i kishte kërkuar falje.
Ajo ndeshje e zhvilluar në vitin 2006 i kishte takuar Barcelonës me rezultat 1-2, falë një autogoli nga John Terry dhe një goli tjetër nga Samuel Eto’o. /Telegrafi/