Morena Taraku është njëra nga modelet dhe njëherësh këngëtaret që hyn në listën e personave me shpenzime të mëdha.
Kështu të paktën duket nga paraqitjet e saj në evenimente të ndryshme, e po ashtu edhe në projektet muzikore.
Edhe profili i What They Wearin në rrjetin social Instagram e ka dëshmuar një gjë të tillë, ku së fundmi ka publikuar mijëra eurot e shpenzuara të modeles vetëm në aksesorë.
Ata kanë publikuar një fotografi të Morenës, ku kanë detajizuar gjësendet që ajo mbante, duke i vënë kështu edhe çmimet e tyre.
Syzet që ajo mbante arrijnë vlerën prej 450 eurosh, kurse kapela e firmës ‘Icon’ vlen 145 euro.
Dy të fundit mbajnë çmimet e lira, pasi çanta dhe ora mbajnë çmimet më të larta. Çanta e firmës Louis Vuitton arrin vlerën prej 1.270 eurosh, kurse ora e markës ‘Rolex’ ka vlerën prej 13.400 euro.
Kohët e fundit, Morena ka deklaruar se ka disa familje nevojtare të cilat i mbështet financiarisht dhe iu gjendet pranë në momente të vështira. /Telegrafi/