Sipas sulmuesit të Chelseat, Alvaro Morata, ylli i Paris Saint-Germain, Neymar mund të bashkohet me Real Madridin, por do të jetë e vështirë.
Reprezentuesi i Brazilit është lidhur përsëri me kampionët e La Ligës, Realin, me kapitenin e Madridit, Sergio Ramos, duke thënë se dera ishte e hapur për 25-vjeçarin.
Gjithashtu edhe bashkëkombësi i tij, Marcelo thuhet se po ndërmjetëson për një transferim të tij në Santiago Bernabeu.
Neymari u transferuar për një rekord botëror nga rivalët e ashpër të Madridit, Barça, në PSG në muajin gusht dhe ka shënuar 11 gola në 12 ndeshje në të gjitha garat për gjigantët e Ligue 1.
Morata, i cili u largua nga Spanja në Chelsea në muajin korrik, ka thënë se Neymari mund të transferohet te Reali, por do të ishte i vështirë – ama jo edhe e pamundur.
“Mendoj se është e vështirë për shkak të së kaluarës së tij”, ka thënë fillimisht Morata për El Larguero.
“Por, ne kemi parë tashmë se në Madrid nuk ka asgjë të pamundur”, përfundoi ylli i Bluve.
Ndryshe, djelmoshat e Zinedine Zidanes janë tetë pikë pas rivalëve dhe udhëheqësve të La Ligas, Barcelonas, pas 11 ndeshjeve të luajtura deri më tani këtë sezon. /Telegrafi/