Carlo Ancelotti kishte thënë para disa ditësh se e di formacionin startues për finalen e Ligës së Kampionëve, por ai ua ka treguar lojtarëve në fillimin e seancës stërvitore të së premtes mbrëma në “Stade de France”.
Italiani mori pjesë në një konferencë të përbashkët për shtyp me Thibaut Courtois dhe Marcelo dhe u pyet se cili është formacioni i tij fillestar.
Në atë moment, Ancelotti iu drejtua Marcelos, duke e pyetur brazilianin nëse e dinte formacionin, ku ai i tha “po”.
Funny press conference moment: Ancelotti makes Marcelo admit he doesn't know the line-up #RealMadrid #Madridista #Madridismo https://t.co/7RECazlIXL
— Real Madrid Fans (@RealMadridNow) May 27, 2022
“Të gjithin?”, Ancelotti iu përgjigj.
“Jo, por e mendoj”, u përgjigj Marcelo duke buzëqeshur.
Ancelotti më pas iu kthye mediave për të justifikuar pse nuk do të zbulonte përzgjedhjen.
🎥 Ancelotti, Courtois y Marcelo sobre la alineación
😂😂😂 pic.twitter.com/2UsymM0mcP
— Real Madrid (@realmadridnote) May 27, 2022
“Shikoni, as atyre (lojtarëve) nuk ua kam thënë akoma, kështu që nuk mund t’jua them”, ka thënë italiani. /Telegrafi/