Një video amatore e filmuar në qytetin ukrainas Lviv, shfaq momentin kur raketa ruse godet trafostacionin dhe e hedhë në erë.
Një kamerë që ishte vendosur brenda një veture në lëvizje, ka kapur momentin kur raketa fluturon shumë pranë veturave civile dhe godet trafostacionin, transmeton Telegrafi.
Nuk dihet nëse nga ky sulm ka pasur viktima, mirëpo gjykuar nga pamjet shihet qartë që ushtria e Vladimir Putinit nuk brengoset fare që hedhë bomba në zona të banuara nga civilët.
Sulme të tilla mbi rrjetin energjetik në Ukrainë ka pasur shumë gjatë këtyre katër ditëve të fundit, ku ushtria ruse nuk kurseu asgjë nga infrastruktura energjetike.
E si pasojë e këtyre sulmeve ka pasur shumë të vrarë dhe të plagosur, që ishin kryesisht civilë ukrainas.
Në anën tjetër, presidenti ukrainas Volodymyr Zelensky, i ka bërë thirrje liderëve të vendeve perëndimore që t’i dërgojnë sisteme mbrojtëse kundërajrore, me qëllim që të mund të mbrohen nga agresioni rus. /Telegrafi/
https://www.youtube.com/watch?v=jF5Fv4d-NaU&ab_channel=%D0%96%D0%B5%D0%BB%D0%B5%D0%B7%D0%BD%D1%8B%D0%B9%D0%A4%D0%B5%D0%BB%D0%B8%D0%BA%D1%81