Kamerat e sigurisë kanë kapur momentin kur një adoleshent – diler droge përplaset me motoçikletën e vjedhur në shtyllën elektrike derisa lëvizte me shpejtësi prej 100 kilometra në orë, ku si pasojë miku i tij i ngushtë pësoi lëndime shumë të rënda.
Orlando Piasecke, 19-vjeç, po lëvizte me shpejtësi dy herë më të madhe sesa që është e lejuar me ligj, dhe përplaset në një veturë dhe më pas përfundon i përplasur në shtyllën elektrike që ishte e punuar nga betoni, transmeton Telegrafi.
Videoja shfaq të rinjtë duke fluturuar nga goditja e fuqishme, ku njëri prej tyre godet drejtpërdrejtë shtyllën e betonit.
Ngjarja ka ndodhur në Derbyshire të Anglisë, e miku i tij që ishte ulur pas ka pësuar lëndime shumë të rënda.
Gjatë seancës dëgjimore, thuhet se njëri nga protagonistët ka pësuar lëndime të rënda në tru sa që mund kurrë të mos ecë.
Gjithashtu gjatë procesit gjyqësor është bërë e ditur se dyshja kishin qenë dilerë droge, dhe në momentet para se të ndodhte aksidenti kishin vjedhur motoçikletën, disa telefona, 500 funte para të thata dhe qese të vogla me heroinë e kokainë.
Derisa njëri prej tyre po vazhdon trajtimin në spital, shoferi i motoçikletës është dënuar me gjashtë vite burgim. /Telegrafi/
