Moise Kean ndodhet te Juventusi për ekzaminimet mjekësore para se të zyrtarizohet huazimi i tij në Allianz Stadium.
Sulmuesi italian ka arritur në Itali të shtunën mbrëma, menjëherë pas humbjes së Bianconerëve nga Empoli që shënonte takimin e parë në epokën post-Ronaldo.
21-vjeçari ndodhet në J Medical për testet mjekësore dhe më pas do të nënshkruhet kontrata me Zonjën e Vjetër.
Një produkt i Akademisë së Juventusit, Kean u largua nga klubi italian në vitin 2019 për 30 milionë euro duke iu bashkuar Evertonit.
Ai nuk u përshtat mirë në Ligën Premier dhe u huazua te Paris Saint-Germaini, ku realizoi 17 gola në 41 paraqitje. /Telegrafi/
#Juventus: visite mediche per #Kean // Kean has arrived at J Medical to undergo his medical tests ahead of his move to Juventus 🇮🇹⚪️⚫️@Goalitalia @Goal
— Romeo Agresti (@romeoagresti) August 29, 2021