Moderatori nga India bëhet viral, i bërtet gazetarit ukrainas duke menduar se po flet me dikë tjetër – në fund e kupton gabimin

Moderatori nga India i një emisioni televiziv është bërë objekt tallje, pasi vazhdimisht i kishte bërtitur mysafirit të gabuar derisa po diskutonin për krizën në Ukrainë.

Rahul Shivshankar “gozhdoi” një gazetar ukrainas për dy minuta, duke menduar se po i drejtohej Daniel McAdams, komentator i politikës së jashtme amerikane, transmeton Telegrafi.

Ai e kuptoi krejt në fund të debatit se e kishte ngatërruar personin, kur McAdams i tha se nuk e ka lënë ta thotë as edhe një fjalë.

E kjo grindje e tyre është bërë virale, kurse në rrjetet sociale kanë filluar të qarkullojnë edhe “meme” me moderatorin nga India. /Telegrafi/