Një modele e Playboy planifikoi të “pozonte lakuriq” me faculetën që Lionel Messi përdori në konferencën e tij të lamtumirës për shtyp në Barcelonë , pasi paraqiti një ofertë të guximshme për të.
Magjia legjendare e argjentinasit te katalunasit përfundoi në këtë verë, pasi klubi spanjoll nuk ishte në gjendje ta nënshkruante atë me një kontratë të re.
Superylli 34-vjeçar ishte gati të ulur pagën e tij në mënyrë që të nënshkruajë një marrëveshje të re në mes të krizës financiare të Barcelonës.
Por, rregullat financiare të La Ligës e penguan gjashtë herë fituesin e Topit të Artë të zgjasë qëndrimin e tij në Camp Nou, me legjendën e klubit që kaloi si lojtar i lirë te Paris Saint-Germain.
Messi i fshiu lotët duke përdorur një faculetë, teksa ishte tejet i pikëlluar për një aventurë që zgjati për 21 vite.
Faculeta e përdorur e ish-kapitenit të Barcelonës do të shfaqet më vonë në një ankand ndërkombëtar, aty ku thuhet se do të ketë një çmim fillestar një milion euro.
Modelja e Playboy-t, Luana Sandien ka pohuar se ajo ka bërë një ofertë marramendëse prej 600,000 dollarësh për faculetën, sipas The Daily Star.
“Unë ofrova 600,000 dollarë për të marrë faculetën e Messit, derisa ajo nuk shfaqet më”, bëri të ditur ajo.
“Unë dhashë më shumë se gjysmën e shumës së reklamuar duke besuar se do të fitoja, por reklama u zhduk pas ofertës sime, nga askund”.
“Reklama doli nga askund, pa dhënë më shumë informacion në lidhje me rezultatin e çështjes, kështu që ne nuk e dimë nëse dikush e bleu faculetën ose nëse reklamuesi hoqi dorë nga ideja”.
“Shpresoj se ia arrita.”
Modelja braziliane tha se ishte “një nga përvojat e mia më të mira” të pozoja për Playboy Africa me një fanellë të Barcelonës.
Daily Star raporton se shitjet e fanellave u rritën 50 për qind si rezultat i ‘fanellës’ së saj të Barcelonës. /Telegrafi/