Producenti i njohur Mixey pas suksesit që pati me këngët e krijuara për këngëtarët tanë, po pret edhe një sukses të madh.
Ai në një bisedë për RTV Dukagjinin ka treguar se ka punuar në një këngë me Dafina Zeqirin, ndërsa ka thënë që ky projekt është punuar me shumë kujdes dhe beson që do të marrë vëmendjen e duhur nga publiku.
Sa i përket bashkëpunimit me këngëtaren e njohur, Mixey është shprehur shumë i kënaqur, madje ka theksuar se Dafina është një nga këngëtaret më profesioniste që ka skena jonë.
Sipas producentit puna me Dafinën është shumë e lehtë dhe përpos angazhimit të madh ai edhe është kënaqur gjatë realizimit të projektit, i cili shumë shpejt do të jetë në duart e publikut.
Ndryshe Mixey ka premtuar shumë këngë të bukura për publikun shqiptar gjatë këtij viti./Telegrafi/