Barcelona po eksploron mundësinë e nënshkrimit të sulmuesit të Borussia Dortmundit, Erling Haaland, teksa po kërkon të forcojë sulmin.
Presidenti i klubit, Joan Laporta, raportohet se është takuar me agjentin e lojtarit Mino Raiola për të diskutuar mundësinë e një transferimi të mundshëm në fillim të kësaj jave.
Raiola ia ka hapur derën Barcelonës për të blerë Haalandin verën e ardhshme.
Megjithatë, agjenti i superyllit thuhet se i ka përmendur tre gjëra që gjigantët katalanas duhet të bëjnë në mënyrë që ta marrin.
Gjëja e parë është që Blaugranët duhet ta konsiderojnë norvegjezin si lider të projektit të tyre në “Camp Nou”. T’i japësh Erling Haaland rolin kryesor është me të vërtetë një ide e mirë. Sulmuesi është tashmë një nga lojtarët më të mirë në botë dhe është dikush që skuadra mund të kërkojë frymëzim.
Kushti i dytë është që sulmuesit të Borussia Dortmundit t’i jepet fanella me numër 9 në “Camp Nou”.
Fanella me numër 9 aktualisht është mbahet nga Memphis Depay. Gjigantët katalanas do të duhet të flasin me holandezin për ta bindur atë të lirojë fanellën.
Mino Raiola gave Laporta a list of three conditions Barça has to meet to sign Haaland, apart from the economic figures:
– Be considered the leader of the project
– Wear the number #9
– Play the Champions League— @albertlesan via @Rondeando8TV pic.twitter.com/bmtc5O4xyx
— Barça Universal (@BarcaUniversal) December 16, 2021
Së fundi, Raiola gjithashtu raportohet se ka informuar Laporta se Barcelona duhet të sigurojë një vend në Ligën e Kampionëve për sezonin e ardhshëm përpara se të nënshkruajë me Haalandin.
Blaugrana zënë pozitën e tetë në tabelën e La Liga, por ende kanë kohë të mjaftueshme për të përmirësuar pozitën e tyre./Telegrafi/