Një video e ministrit rus të Mbrojtjes, Sergey Shoigu duke iu drejtuar udhëheqësve ushtarakë dhe politikë të Rusisë u përhap në mediat sociale.
Videon në Twitter e ka shpërndarë edhe diplomati ukrainas Oleksander Sherba.
“E gjithë kjo është vetëm e përkohshme. Gjërat do të jenë përsëri mirë. Ne do të kemi një Bashkimi të ri Sovjetik, të madh dhe të fortë. Do të ketë përsëri paqe. Askush nuk do të largohet”, tha Shoigu.
“Për ata që mendojnë se e gjithë kjo po ndodh sepse NATO ka shkuar shumë larg – po dëgjoni?”, ka shkruar Sherba në rrjetet sociale.
Theksojmë se ministri rus javë më parë ka udhëtuar urgjentisht drejt Ukrainë, ku është takuar me zyrtarët ushtarakë.
Ndryshe, Rusia ka vazhduar edhe sot me bombardime duke shkaktuar viktima dhe dëme materiale. /Telegrafi/
RU Defence Minister: “Things will be good again. We’ll have a new Soviet Union, big & strong. There’ll be peace again. No one will go away”.
Those who claim it’s all about NATO going too far – do you listen?#StopPutinNOW #StandWithUkraine pic.twitter.com/sLgjcwUexQ— olexander scherba🇺🇦 (@olex_scherba) July 28, 2022