Milani thuhet se ka rritur ofertën e tyre për sulmuesin Santiago Gimenez sipas raportimeve në Itali, por skuadra e Eredivisise ende nuk e ka dhënë miratimin përfundimtar për shitjen.
Sipas raportimeve nga Sky Sport Italia, klubi italian ka ofruar një tarifë prej 32 milionë euro, ndërsa mediat e tjera pretendojnë se ofrohen shtesa dhe bonuse për ta çuar marrëveshjen deri në 35 milionë euro.
Megjithatë, mbetet për t’u parë nëse kjo do të mjaftojë për të kënaqur Feyenoord.
Skuadra e Eredivisie ka kërkuar një tarifë prej 40 milionë euro për të shitur Gimenez në janar, por Sky pretendon se vlerësimi i skuadrës holandeze është rritur pas shortit të Ligës së Kampionëve pasi Milani dhe Feyenoord tani do të takohen në raundin e play-off.
Milani është ende duke negociuar disa lëvizje përpara mbylljes së afatit kalimtar të janarit të hënën mbrëma.
Alvaro Morata mund t’i bashkohet Galatasarayt si huazim, por kjo lëvizje varet nga nënshkrimi i kuqezinjve me Gimenez si zëvendësues. Ka gjithashtu bisedime për të dërguar Francesco Camarda në huazim te Monza.
Dhe, të premten në mbrëmje, u raportua se Milan dhe Tottenham kanë rënë dakord për një tarifë për shitjen e mbrojtësit Fikayo Tomori, por lojtari nuk ka dhënë ende miratimin përfundimtar për lëvizjen. /Telegrafi/