Klubi italian, Milani është afër nënshkrimit të sulmuesit të Liverpoolit, Divock Origi, i cili ka arritur një marrëveshje në parim me kuqezinjtë.
Origi është një nga objektivat e Milanit për të forcuar sulmin e tyre në verë dhe 26-vjeçari duket shumë afër arritjes së marrëveshjes me liderët e Serie A.
Kontrata e tij në Anfield skadon në verë, kështu që Milani mund ta nënshkruajë atë si lojtar i lirë në fund të sezonit.
Sipas gazetës Il Corriere dello Sport, kuqezinjtë po finalizojnë ofertën e tyre për belgun, por kanë arritur një marrëveshje verbale për pagën e sulmuesit.
Origi do të fitojë rreth katër milionë euro në sezon për katër vjet, por të dy palët ende nuk kanë rënë dakord për bonuset dhe tarifat e agjentëve.
Marrëveshja nuk është finalizuar ende, por Milani është i bindur se do të arrijë një marrëveshje përfundimtare në javët e ardhshme.
Origi-Milan, Corriere dello Sport: “Trattativa ai dettagli” https://t.co/kPaMbwTvGD
— MilanNews.it (@MilanNewsit) March 24, 2022
Pavarësisht interesimit nga klubet e Ligës Premier, Origi është i gatshëm të transferohet në Serie A për të provuar një përvojë të re pasi ka luajtur në Angli, Gjermani dhe Francë.
Ai do të bëhej nënshkrimi i tretë i Paulo Maldinit dhe Milanit nga Liga Premier, pas blerjeve të Fikaoy Tomori dhe Olivier Giroud nga Chelsea. /Telegrafi/