Milani po shton negociatat për portierin e Genoas, Mattia Perin dhe çmimi i kërkuar është 7 milionë euro plus 8 milionë euro të tjera bonuse që lidhen në bazë të performancave.
Me Gianluigi Donnarumma që refuzon të nënshkruajë një zgjatje të kontratës, Rossonerët duhet të gjejnë alternativa të tjera për portën e tyre për sezonin e ri.
Perin shpejt doli si favoriti kryesor, pjesërisht për shkak se Genoa dhe Milan kanë një histori të mirë dhe të gjatë të transferimeve.
Sipas Sky Sport Italia, negociatat kanë vazhduar gjatë dy ditëve të fundit dhe ato janë pranë një marrëveshjeje.
Presidenti i Genoas, Enrico Preziosi, dëshiron 7 milionë euro fillimisht dhe 8 milionë tjera bonuse në varësi të performancës, numrit të paraqitjeve dhe rezultateve të klubit.
Ky është një çmim i mirë për 24-vjeçarin, por gjithashtu mbron Milanin, pasi Perin ka lënduar ligamentin e kryqëzuar në gjurin e tij dy herë në nëntë muaj.
Ai së pari dëmtoi gjurin në prill të vitit 2016, u kthye për fillimin e sezonit të kaluar dhe pësoi prapë një lëndim në janar të këtij viti. /Telegrafi/