Milani është gati të regjistrojë një tjetër blerje të madhe, pasi thuhet se janë afër marrëveshjes me mbrojtësin e Atalantas, Andrea Conti, pas një takimi tre orësh.
Agjenti i Contit, Mario Giuffredi, thuhet se është parë duke ecur afër Shtabit të Milanit këtë mbrëmje dhe ai u largua nga takimi me drejtorin Massimiliano Mirabelli tre orë më vonë.
Sipas raporteve të shumta, duke përfshirë Sky Sport Italia dhe Sportitalia, ishte një takim shumë pozitiv dhe ata janë afër pranimit të kushteve personale.
Atalanta i ka dhënë Milanit leje që të flasë me përfaqësuesin e lojtarit para se të diskutojë tarifën e transferimit, që besohet të jetë në rajonin prej 20 milionë euro.
Conti është 23 vjeç dhe ka shënuar tetë gola me katër asistime në 33 ndeshje të Serie A për Atalantan këtë sezon.
Ai gjithashtu kërkohet edhe nga skuadra tjera të mëdha si Chelsea, Zeniti, Interi dhe Napoli.
Rossonerët tashmë kanë nënshkruar zyrtarisht me Ricardo Rodriguez, Franck Kessie dhe Mateo Musacchio, ndërsa Lazio konfirmoi një marrëveshje për Keita Balde Diao. /Telegrafi/