Mijëra qytetarë të Melitpolit protestojnë, kundërshtojnë rrëmbimin e kryetarit të qytetit të tyre nga forcat ruse

Mbi 2 mijë qytetarë të Ukrainës morën sot pjesë në një protestë në qytetin Melitopol në jug të vendit, pasi mbrëmë është arrestuar kryetari i qytetit Ivan Fedorov nga ushtria ruse.

Autoritetet ukrainase kanë akuzuar Rusinë se po shkel ligjet ndërkombëtare, duke rrëmbyer kryetarin e Melitopolit, qytet ky që është nën kontrollin e ushtrisë ruse, transmeton Telegrafi.

Lexo po ashtu Ushtarët rusë thyen dyert e oborrit dhe u futën në shtëpinë e tyre, çiftit të moshuar ukrainas as që iu tremb syri – i detyruan trupat të largohen

Ai ishte akuzuar nga Kremlini për gjoja “terrorizëm”, derisa ushtria e Vladimir Putinit po vazhdon edhe sot bombardimet mbi një shtet sovran të Evropës.

Rrëmbimin e të parit të Melitopolit e ka dënuar edhe presidenti ukrainas Volodymyr Zelensky, i cili tha se Fedorov po mbron vendin e tij me dinjitet. /Telegrafi/