Zyrtarët ukrainas kanë pohuar se mijëra njerëz nga Mariupoli janë dërguar me forcë në qytete në Rusi.
Këshilli i qytetit të Mariupolit thotë se Rusia “mori ilegalisht njerëz” nga rrethi Livoberezhniy dhe nga një ndërtesë e klubit sportiv që përdorej nga më shumë se një mijë njerëz si strehë për bomba.
Kremlini pretendoi se autobusët që transportonin “refugjatë” nga Mariupoli filluan të mbërrinin në Rusi të martën, por nuk i ka adresuar drejtpërdrejt pretendimet.
Tani, janë shfaqur akuza të tjera të kësaj natyre.
Pyotr Andryuschenko i tha New York Times se deri në 4,500 civilë u zhvendosën në Taganrog, një qytet port në Rusinë jugperëndimore.
Ai pretendon se njerëzit u zhvendosën pa pasaportat e tyre.
Mariupol është përballur me granatime nga forcat ruse, të cilat vazhdojnë të rrethojnë portin e Detit të Zi. Dje pati raportimet se luftimet ishin zhvendosur në rrugët e qytetit.
Zyrtarët vlerësojnë se 2,400 njerëz kanë vdekur në Mariupol që nga 24 shkurti. /Telegrafi/