Këngëtarja e njohur Mirhije Braha ka qenë e ftuar së fundmi në emisionin “Express” të KTV-së.
I ftuar gjithashtu në këtë emision ishte edhe këshilltari i kryeministrit Ramush Haradinaj, Erolld Belegu, biznesmen i njohur nga Peja.
Këngëtarja Braha ka përmendur një sërë akuzash ndaj institucioneve, duke cituar faktin se si shteti nuk e pajis atë me një librezë si këngëtare, gjë e cila i shkakton pengesë në aplikimin për vizë.
Dhe si pasojë e kësaj Mihrija thotë se nuk ka arsye se pse t’i paguajë tatimet ndaj shtetit.
“Del Administrata Tatimore thotë duhet me pagu tatimin, për çka me pagu tatimin unë? OK, unë e paguaj se e paguaj në baza vullnetare, por nuk ka shteti kurrfarë ligji as të drejte, as me më mbrojtë as me më akuzu. Se unë me dashtë qetu këndoj, me dashtë nuk kënoj. Po nëse du me këndu ti s’mund ma ndalë, po je i shtetit po themi…”, ka thënë Mihrie Braha gjatë emisionit.
E njëjta është mjaft aktive me prurje të reja në muzikë, ndërsa veçohet gjithmonë për stilin e saj të të kënduarit. /Telegrafi/
