Mihrije Braha ka paralajmëruar ardhjen e këngës së re që do ta realizojë me videoklip.
Kënga do të titullohet “Cigarja e fundit”, ndërsa prapa këtij projekti qëndron Kreshnik Avdiu, i cili e ka shkruar tekstin dhe e ka bërë muzikën.
Ndërkaq për anën vizuale, janë angazhuar Blerdi Malushi dhe Kastriot Saqipi, të cilët do ta bëjnë regjinë e klipit.
“Klipi më i ri, ‘Cigarja e fundit’. Teksti dhe muzika: Kreshnik Avdiu. Regjia: Blerdi Malushi dhe Kastriot Saqipi”, shkruan në Instagram.
Ka kohë që Mihrija nuk ka ardhur me një video të re muzikore, prandaj ky projekt do të pritet me kërshëri nga fansat e saj. /Telegrafi/