Barcelona ka kaluar në epërsi ndaj Celta Vigos në takimin që po luhet në kuadër të javës së 37-të në La Liga.
Katalunasit e filluan mjaft mirë takimin, duke krijuar shanse shënimi, mirëpo rasti i vërtetë erdhi në minutën e 28-të.
Sergio Busquets bëri një asistim fantastik në drejtim të Lionel Messit, me këtë të fundit që shënoi me kokë.
Padyshim që argjentinasin nuk e shikoni shpesh të shënojë gola të tillë, shkaku i gjatësisë së tij.
Kujtojmë se ky është goli i 30-të deri më tani në këtë sezon për 33-vjeçarin, gjersa ka edhe nëntë asistime. /Telegrafi/
BUSQUETS WITH THE PASS AND MESSI WITH THE HEADER 1-0 🤩🔥🔥🔥🔥🔥 30 LEAGUE GOALS FOR MESSI pic.twitter.com/8psXK3p19b
— mx 🇵🇸 (@MessiMX10i) May 16, 2021