Lionel Messi është duke e kërkuar me gulm ribashkimin me Neymarin, derisa ka kërkuar nga Barcelona që ta transferojë brazilianin.
Sulmuesi brazilian u largua në verën e vitit 2017 nga kampioni i La Liga-së në drejtim të Paris Saint-Germain, për shumën rekorde 222 milionë euro.
Por, pas vetëm dy vitesh qëndrimi në Ligue 1, lojtari 27-vjeçar po e kërkon rikthimin në La Liga, derisa operacioni duket i komplikuar në shikim të parë.
Sipas The Sunday Times, pesë herë fituesi i Topit të Artë u ka kërkuar Blaugranasëve që ta rikthejnë Neymarin në Camp Nou.
Messi nuk është i lumtur me transferimin e Antoine Griezmannit, andaj po e kërkon ribashkimin me brazilianin e rebeluar.
Pak ditë më parë është raportuar se PSG-ja ka kërkuar nga Barcelona shërbimet e Philippe Coutinhos dhe Nelson Semedos plus 50 milionë euro, në mënyrë që ta lejojë largimin e Neymarit. /Telegrafi/