Lionel Messi ka folur edhe për një transferim të mundshëm të Paris Saint-Germain në konferencën e tij për shtyp në Camp Nou.
Ylli argjentinas ka sqaruar gjithçka për vendimin e tij për t’u larguar nga Barcelona pas gati 20 viteve karrierë profesionale.
Ai mes lotësh mezi dha lamtumirën e tij, teksa tha se shpreson që të kthehet një ditë.
Messi më pas u pyet nëse do të bashkohej me francezët e Paris Saint-Germain.
Argjentinasi u përgjigj duke thënë se një lëvizje në skuadrën e Mauricio Pochettino është “një mundësi”.
“Po, Paris Saint-Germain është një mundësi”.
“Për momentin asgjë nuk është konfirmuar, kam marrë shumë telefonata pas deklaratës së Barcelonës”.
“Ne po flasim për të”, ka thënë Messi.
Ndryshe, Messi thuhet se ka marrëveshje në parim me PSG-në.
Argjentinasi pritet të nënshkruaj kontratë dyvjeçare plus një vit me fitime prej 35-40 milionë euro në vit.
Ai gjithashtu komentoi edhe fotografinë me lojtarët e PSG-së.
Messi gjithashtu e cilësoi si të rastësishme dhe foto mes miqve. /Telegrafi/
Leo Messi confirmes: “Paris Saint-Germain is a possibility, yes. At the moment nothing is confirmed, I received lot of calls after Barcelona statement. We’re talking about it”. 🔴🇦🇷 #PSG #Messi
— Fabrizio Romano (@FabrizioRomano) August 8, 2021