Lionel Messi thuhet se i ka bërë me dije Barcelonës që t’i largojë disa lojtarë në afatin kalimtar veror.
Ylli argjentinas nuk është i lumtur me disa nga bashkëlojtarët, andaj bordi i klubit do t’i shesë ata për të krijuar fonde për prurjet e reja.
Sipas mediave në Spanjë, 32-vjeçari ka kërkuar nga Blaugranasit që edhe Antoine Griezmann të largohet nga Camp Nou.
Edhe pse ka më pak se një vit që ka kaluar te Barcelona për 120 milionë euro nga Atletico Madridi, francezi nuk është i dëshiruar nga gjashtë herë fituesi i Topit të Artë.
Kështu, Manchester Unitedi që është cilësohet si favoritë për transferimin e Griezmann, tani do të ketë më shumë arsye që të tentojë në transferimin e tij.
Por, në garë për fituesin e Kupës së Botës janë edhe skuadrat si, Chelsea, Arsenal e Inter. /Telegrafi/