Mesfushori shqiptar, Granit Xhaka, është parë duke pozuar me fanellën e Arsenalit, fotografi që dolën nëpër mediat botërore gjatë fundjavës.
Sky Sports raporton se mesfushorit i janë bërë fotografi me fanellën e re, në mënyrë që ai të udhëtojë sa më herët të jetë e mundur që të nisë përgatitjet me Zvicrën për ‘Euro 2016’.
Arsenali planifikonte të përdorte këto imazhe si material promovues, përcjell Koha Ditore.
Po ashtu, bëhet e ditur se transferimi i Xhakës te Arsenali është punë e kryer. Ai do të bëhet blerja e dytë më e shtrenjtë në histori të klubit londinez. Topçinjtë për të kanë paguar 45 milionë euro.
Njëherësh, raportohet se lojtari tashmë ka arritur marrëveshje personale dhe i ka kaluar testet mjekësore.
Transferimi i tij pritet të bëhet zyrtar shumë shpejt nga Arsenali.