Këto janë vlerësimet e para të një shoku të skuadrës pas transferimit të tij tek Arsenali.
Francis Coquelin ka thënë se Granit Xhaka është një futbollist kualitativ që ka pasime të sakta, është i fuqishëm dhe i mirë në ajër.
Mesfushori francez do të jetë partner me futbollistin shqiptar në mesfushën e Arsenalit nga sezoni i ri.
“E kam parë në Evropian dhe ai ka pasime të mira, ai është i fuqishëm dhe i mirë në ajër, kështu që unë mendoj se ai do ta shtojë kualitetin dhe fuqinë në skuadrën tonë dhe kjo është një gjë e mirë”, deklaroi Coquelin.