Gruaja e mbrojtësit të Chelseat, Thiago Silva ka bërë thirrje që Mauricio Pochettino të shkarkohet sa më parë.
Blutë humbën 4-2 në shtëpi ndaj Wolves të dielën pasdite, teksa ranë në vendin e 11-të në tabelën e Ligës Premier.
Tri fitore radhazi në ligë dhe arritja në finalen e Carabao Cup duket se po tregonte njëfarë progresi nën drejtimin e trajnerit argjentinas.
Por, një humbje e thellë nga Liverpooli u pasua nga një humbje po aq të dhimbshme prej Wolves në Stamford Bridge.
Dhe partnerja e Silvës, Belle, e cila ka kritikuar në të kaluarën trajnerët si Graham Potter dhe Frank Lampard, u shfaq në rrjetet sociale menjëherë pas lojës.
Në postim, ajo dukej se kishte vënë në shënjestër trajnerin argjentinas teksa i kërkoi klubit të ndryshonte gjërat.
“Është koha për të ndryshuar. Nëse prisni më shumë do të jetë shumë vonë”, ka shkruar Belle Silva në X.
Pochettino tashmë është buzë shkarkimit, por Chelsa thuhet se mund të emërojë John Terryn si trajner të përkohshëm deri në fund të sezonit, derisa të fillojë të kërkojë një strateg të ri. /Telegrafi/
It’s time to change. If you wait any longer it will be too late 💙💙
— Belle Silva (@bellesilva) February 4, 2024