Finalistët e Big Brother VIP Albania 3 kanë dhënë intervista gjatë ditës së sotme (e diel) për ‘Top Albania Radio’.
Meriton Mjekiqi është pyetur sërish për kauzën e tij, për të cilën ka hyrë edhe në këtë format.
Ai u pyet nga prezantueset se çfarë ka mësuar nga ky Big Brother pasi shpalosi gjëra private duke përfshirë edhe djalin e tij, Loarin.
“Me djalin tim më ka mësuar shumëçka. Kauza ime faleminderit prej produksionit më ka bërë me i qit gjërat e mia personale për djalin tim. Kam kuptuar që Loari më mungon shumë, më shumë se çdo gjë në këtë jetë”, u shpreh ai.
I njëjti theksoi: “E fola me Romeon se jam mërzitur, kur dalë jashtë kësaj shtëpie gjëja e parë që do të bëjë është të ikë në Austri e ta takoj djalin tim nëse nuk vijnë në Kosovë”.
Meritoni ka vendosur që në këtë format të zbulojë se djali i tij vuan nga autizmi.
Ai ka rrëfyer në detaje për problemet me ish-partneren dhe se nuk e ka lejuar që ta shohë djalin e tyre që një kohë. /Telegrafi/