Sjelljet e tij në fushë shpesh lënë përshtypjen se Cristiano Ronaldo ka një personalitet egoist dhe arrogant.
Derisa të gjithë e pranojnë se ai bën pjesë në listën e futbollistëve më të mirë në histori, ekziston skepticizëm sa i përket sjelljeve dhe personalitetit të superyllit të Real Madridit.
Mirëpo, një përmbledhje xhirimesh e realizuar nga përdoruesi i YouTube me emrin Mursel Qualami, e shfaq portugezin në situata ku ai shfaq anën e tij të butë.
Aty shfaqet afërsia e tij me tifozët, pastaj aktivitet e tija bamirëse dhe vizitat e të sëmurëve dhe personave me aftësi të kufizuara, si edhe qëndrimi afër bashkëlojtarëve në momente gëzimi apo në momente jo të mira.
Ndryshe, sa i përket sezonit të sivjetmë, CR7 do të luajë në finale të Ligës së Kampionëve kundër Juventusit më 3 qershor në Cardiff, si edhe është në garë për titullin e La Ligas me Real Madridin. /Telegrafi/
https://www.youtube.com/watch?v=mzHmguySu-w