Zonja e Parë e Shteteve të Bashkuara të Amerikës, Melania Trump, ka udhëtuar në kontinentin e Afrikës, si pjesë e turneut të parë ndërkombëtar prej se Donald Trump u bë president.
Ndalesa e saj e parë ishte Parku Ndërkombëtar Najrobi në Keni, ndërsa 48-vjeçarja zgjodhi një kombinim që ka tërhequr vëmendje.
Bukuroshja nga Sllovenia kishte veshur pantallona, çizme dhe një këmishë, ndërsa në kokë mbante një kapelë të pazakontë.
Pikërisht për këtë detaj, Zonja e Parë e SHBA-ve ka marrë kritika të shumta.
Kjo kapelë i ka përkujtuar njerëzit në helmetën dhe simbolikën e fuqisë kolonialiste.
“Kapelën që e mban, e kanë mbajtur po ashtu edhe kolonialistët gjatë periudhës së errët, gjë që nuk u pëlqen afrikanëve”.
“Kush të ka këshilluar ta vësh atë në kokë”, ka shkruar një përdorues i internetit, teksa një tjetër ka shtuar se veshja e saj është një shëmbëlltyrë e botëkuptimit të vjetër ndaj Afrikës.
Përndryshe, këtë lloj kapele e kanë mbajtur shpesh evropianët gjatë udhëtimeve të tyre në Afrikë dhe Azi në shekullin XIX, shkruan Independent.
Ndërsa ushtarët nga vendet, si Britania e Madhe, Franca, Spanja dhe Italia, kanë mbajtur helmeta të ngjashme me këtë kapelë duke i udhëhequr ushtritë kolonialiste. /Telegrafi/