Soualiho Meite është duke kaluar testet e tij mjekësore përpara një lëvizje huazimi nga Torino te Milani.
26-vjeçari arriti në Milano të enjten në mbrëmje dhe filloi ekzaminimet e tij mjekësore me Rossonerët sot (e premte) herët në mëngjes.
Sipas Calciomercato.com, ai do të bashkohet me Rossonerët në një marrëveshje huazimi prej një milion eurosh me një mundësi blerje të përhershme për shtatë milionë euro plus bonuset.
Para nisjes së testeve mjekësore ka folur edhe vet lojtari Meite, i cili ndihet i lumtur me lëvizjen e tij në San Siro.
“Unë tashmë kam folur me Franck Kessie dhe jam i lumtur që e bëra këtë lëvizje”, ka thënë fillimisht Meite.
📽 @AntoVitiello: Meite has arrived at La Madonnina for his medicalpic.twitter.com/nn15gBgiUv
— Milan Posts (@MilanPosts) January 15, 2021
“Jam gati për këtë moment. Milani është në krye të tabelës në Serie A dhe ata duhet të qëndrojnë atje”.
“Ne do të shohim se si do të kalojnë katër muajt e parë dhe pastaj do të flasim”, përfundoi lojtari. /Telegrafi/