Ernesto Valverde do të qëndrojë te Barcelona përkundër raportimeve se ai mund të shkarkohet qysh në këtë javë nga klubi katalonas.
Sport raporton se Josep Maria Bartomeu i ka dhënë edhe një mundësi trajnerit spanjoll edhe pas eliminimit zhgënjyes nga Liga e Kampionëve dhe humbja në finale të Kupës së Mbretit.
Barcelona u eliminua nga gara më e madhe për klube në Evropë në mënyrë të turpshme, pasi ishte duke fituar 3-0 në Camp Nou, mirëpo në Anfield, Liverpooli e përmbysi rezultatin në 4-0.
Katalonasit nuk kaluan aspak mirë edhe në Kupën e Mbretit, duke humbur në finale nga Valencias me rezultat 2-1, ndërsa faji për këtë ishte drejtuar nga trajneri.
Por, Valverde arriti ta fitonte La Ligan në këtë sezon që lamë pas (2018/19), duke e shpëtuar punën e tij edhe për një sezon, megjithatë presidenti i klubit ia ka bërë me dije se mund të shkarkohet në mes të sezonit nëse nuk tregon rezultate të mira. /Telegrafi/