Reperi i njohur shqiptar, MC Kresha dhe Erzina Shehu, kanë kurorëzuar të dielën lidhjen e tyre me martesë.
Çifti u martuan në një dasmë shumë private me pak të ftuar, e cila është organizuar në “Hotel Garden” në Prishtinë.
Mes shumë befasive dhe momenteve të këndshme në ditën më të rëndësishme të jetës së tyre, MC Kresha nuk hezitoi që t’ia thotë pak edhe këngës në dasmën e tij.
Ka qenë bashkëshortja e Lyrical Son, ajo e cila ka publikuar në InstaStory disa video, ku dyshja e famshme e labelit PINT, shihen duke kënduar së bashku.
MC Kresha dhe Lyrical Son kanë interpretuar bashkë disa nga këngët më të njohura të repertoarit të tyre.
Në atë moment, atmosfera duket se ka qenë në kulm, përderisa gjithë të ftuarit shiheshin në disponim dhe vallëzonin.
MC Kresha dhe Erzina janë njohur me njëri-tjetrin, pasi kjo e fundit u kthye nga Kanadaja në Kosovë, ku aktualisht punon si menaxhere e brendit “Zara” në vendin tonë. /Telegrafi/