Mbretëria e Bashkuar do t’i japë Ukrainës 100 milionë dollarë nëpërmjet Bankës Botërore, duke kërkuar të mbajë funksionet kryesore shtetërore dhe të zbusë presionet financiare të shkaktuara nga agresioni i Rusisë.
Kështu thuhet në zyrën e kryeministrit Boris Johnson, raporton Ukrinform, duke cituar Reuters, përcjell Telegrafi.
Sipas qeverisë britanike, këto fonde mund të përdoren për të paguar punëtorët e sektorit publik në Ukrainë ose për të financuar pensionet dhe pagesat e sigurimeve shoqërore.
“Ndërsa vetëm Putini mund t’i japë fund plotësisht vuajtjeve në Ukrainë, financimi i ri i sotëm do të vazhdojë të ndihmojë ata që përballen me situatën e përkeqësuar humanitare”, citohet të ketë thënë Johnson.
Njoftimi i financimit vjen përpara vizitave në Londër nga kryeministri kanadez Justin Trudeau dhe udhëheqësi holandez Mark Rutte, të cilat Johnson do të kërkojë t’i përdorë për të forcuar përgjigjen ndërkombëtare ndaj agresionit rus në Ukrainë. /Telegrafi/