Mbledhësi i topave i Evertonit tallet me Kloppin pas ndeshjes, gjermanit nuk i mbetet gjë tjetër vetëm t’i buzëqeshë

Liverpooli nuk arriti më shumë se një barazim 0-0 ndaj Evertonit në Godison Park në kuadër të Ligës Premier.

Më së shumti ky rezultat gëzoi vendasit të cilët renditen në mesin e tabelës, por qëllimi i tyre ishte të mos lejojnë Reds të fitojnë dhe kështu të marrin primatin në kampionat.

Në fund të ndeshjes një djalosh i cili mbledh topat te Evertoni duartrokiti në mënyrë ironike trajnerin Jurgen Klopp.

Normalisht që kjo nuk i pëlqeu fillimisht trajnerit gjerman, i cili iu afrua djaloshit me qëllimin për t’i treguar se kjo nuk ishte sjellje e mirë nga ai.

Por, djaloshi vazhdoi dhe trajneri i Liverpoolit nuk i mbeti gjë tjetër vetëm ta marrë me sportivitet.

Lexo po ashtu Everton 0-0 Livepool: Notat e lojtarëve, Van Dijk në nivel

Ndeshja e ardhshme e skuadrës së Klopp është kundër Burnleyt.

Aktualisht Reds renditen në vendin e dytë me 70 pikë, një më pak se Manchester City që në xhiron e ardhshme luajnë kundër Watforidit. /Telegrafi/