Sipas asaj që raportojnë mediat në Francë, Kylian Mbappe më shumë lidhet me një kontratë të re me Paris Saint-Germainin se sa të kalonte në verën e ardhshme te Real Madridi ose Liverpooli.
Sulmuesi francez është në dy vitet e fundit të kontratës së tij me klubin parisien, andaj parashikohet se ai mund të rinovojë kontratën.
Sipas asaj që raporton Sky Sports, 21-vjeçari duket i përkushtuar që të qëndrojë te PSG dhe të përfitojë një pagë edhe më të majme.
Edhe pse interesimi është i madh nga Real Madridi e Liverpooli, Mbappe mund të pajtohet që të qëndrojë edhe më tej në Parkun e Princave, por me disa kushte.
Njëri nga kryesorët për qëndrimin e tij është që të qëndrojë edhe Neymari, por edhe të ketë transferime të tjera me lojtarë të dëshmuar, në mënyrë që të fitojnë Ligën e Kampionëve.
Kujtojmë se PSG ishte në edicionin e kaluar në finale të garës më të madhe për klube në Evropë, mirëpo u mposht nga Bayern Munichu. /Telegrafi/