Marina Vjollca është bërë protagoniste kohëve të fundit, jo vetëm për shkak të dasmës luksoze dhe martesës me reperin, Getoar Selimi.
Natyrisht se dasma e tyre ishte e shumëpërfolur, por Marina nuk ishte aspak inferiore as ndaj zhvillimeve në karrierë. Bukuroshja ka ndërmarrë hapin e madh për të kaluar në TV Klan.
Ajo ishte e ftuar ditë më parë në emisionin Xing me Ermalin, ku ne mesin e shumë batutave zbuloi risi për karrierën e saj.
Dhe, fakti që ajo po kalon në Klan nuk kaloi lehtë. Ermali menjëherë ka publikuar një video teksa thotë se bën thashetheme me Marinën.
Ai i rekomandon Marinës të ketë kujdes nga Blendi Fevziu dhe të mos qëndrojë në kafene, pasi që do të kujtojnë në atë rast “se po punon shumë”.
Natyrisht, kjo është vetëm tallja e radhës nga Ermal Mamaqi, i cili duket se mezi pret inkuadrimin e Marinës në emisionet e Klanit. /Telegrafi/
