Brahim Diaz ka kaluar një vit e gjysmë si futbollist i Real Madridit pas transferimit nga Manchester City.
Mesfushori i talentuar spanjoll iu bashkua Realit në janarin e vitit 2019 nga kampioni anglez për 17 milionë euro, pak para përfundimit të kontratës së tij.
Megjithatë hapësirat për të këtë sezon kanë qenë minimale, pasi Diaz është paraqitur në vetëm shtatë takime duke shënuar një gol dhe duke asistuar në një tjetër.
20-vjeçari shihet si futbollist me potencial të madh për të ardhmen, por momentalisht nuk po preferohet nga trajnerin Zinedine Zidane.
Marca ka zbuluar se Diaz do të jetë lojtari i parë që do të largohet në verë nga Santiago Bernabeu.
E përditshmja spanjolle që është shumë e afërt me klubin madrilen ka zbuluar se Reali ka marrë vendim që ta huazojë për dy vite talentin spanjoll.
Gara për ta marrë në huazim Diazin është e madhe në La Liga, pasi katër skuadra e duan atë.
Getafe, Real Betis, Espanyol dhe Real Sociedad janë skuadrat që kanë shprehur interesim për mesfushorin ofensivë.
Besohet se Los Blancos do ta dërgojnë Diazin në Sociedad ku do ta zëvendësonte Martin Odegaardin që do të rikthehet në Santiago Bernabeu pas huazimit të suksesshëm te baskët. /Telegrafi/