Barcelona barazoi ndaj Juventusit 0-0 në ndeshjen e dytë të çerekfinales dhe kështu u eliminua me rezultat të përgjithshëm nga ndeshja e parë 0-3.
Gazeta më e madhe sportive spanjolle ‘MARCA’, tashmë ka publikuar se si do të duket faqja e parë dhe normalisht nuk mungon thumbimi për Barcelonën.
“4 gogla dhe një funeral”, duke aluduar për katër klubet që kanë vazhduar në gjysmëfinale (Reali, Monaco, Atletico Madridi dhe Juve) dhe eliminimin e Barçës, e cila për ta tashmë është e vdekur.
Në fotografinë kryesore është Lionel Messi, i cili nuk tregoi shumë ndaj Zonjë së Vjetër.
Në faqen e parë bie në sy edhe pjesa ku gazeta i kushton rëndësi suksesi të Cristiano Ronaldos këtë sezon me Realin dhe me këtë rast zbulon sekretin e suksesit të portugezit.
“CR7 – Sekreti i suksesit. Gjatë verës kishte vendosur të humbas tre kilogram (mas muskulore), tani peshon 79 kg”, shkruan Marca. /Telegrafi/
