Policia e Kosovës për rajonin e Ferizajt ka arrestuar një 21-vjeçar pasi dyshohet për vjedhjen e disa veturave dhe tentim-vjedhje në shtëpi banimi.
I dyshuari M.E, mashkull, kosovar është arrestuar të enjten në ora 18:00.
“Policët hetues pas një pune intensive, grumbullimit të informacioneve në terren, shikimit të kamerave të sigurisë, kanë arritur që të sigurojnë prova të mjaftueshme dhe të identifikojnë të dyshuarin M.E (M/K) i moshës 21 vjeçar, e më pas dje rreth orës 18:00 ta arrestojnë, i cili dyshohet se ka kryer vjedhje dhe tentim vjedhje në Ferizaj”, thuhet në njoftim.
Ai dyshohet për këto vjedhje:
Më 04.04.2023 në rrugën ‘’ Isa Boletini’’ është vjedhur një veturë ‘Pikap’, më 04.04.2023 në rrugën ‘’Rexhep Bislimi’’ është vjedhur një veturë e tipit ‘Passat’, më 11.04.2023 në rrugën ‘’Daut Dauti’’ është vjedhur një kamionet e tipit ‘Mercedes’.
Më 11.04.2023 në rrugën ‘’Rexhep Bislimi’’ është tentuar të vidhet në një shtëpi banimi dhe më datën 11.04.2023 në rrugën “Riza Goga” është tentuar të vidhet në një shtëpi banimi dhe të vidhet një veturë.
I dyshuari M.E është shoqëruar në stacionin e policisë në Ferizaj dhe pas intervistimit të tij nga policët hetues, në prani edhe të avokatit mbrojtës, me vendim të prokurorit të rastit është ndaluar në mbajtje për 48 orë, për procedura të mëtejme hetimore, ndërsa automjetet e vjedhura pas përfundimit të procedurave u janë kthyer pronarëve. /Telegrafi/