Organizimi i zgjedhjeve të parakohshme kuvendare do të jetë fokusi i takimit të liderëve që do të ndodhë në orën 17:00 në rezidencën e kryetarit ‘Vila VOdno.
Takimi mbahet me nismën e kryetarit Stevo Pendarovskit, që kur shteti nuk mori datë për nisjen e bisedimeve. Pendarovski ka marrë përgjigje pozitive nga të gjithë, gjegjësisht nga liderët e partive më të mëdha në Kuvend nga pushteti dhe opozita, përcjell Telegrafi Maqedoni. Shumica e tyre janë për zgjedhje të parakohshme, pushtetit i duhet mandati i ri për, siç thonë ata të vazhdohet me reformat ndërsa opozita maqedonase kërkon të dënohet Maqedonia për mos arritjen e nisjes së bisedimeve me BE-në.
Kryeministri Zaev dje vlerësoi se me vendimin negativ të BE-së është bërë gabim historik duke paralajmëruar takim liderësh dhe duke kërkuar organizim të zgjedhjeve të parakohshme kuvendare, ku qytetarët, siç potencoi ai, do të zgjedhin se në cilën rrugë do të shkojnë.
Se kur do të mbaheshin zgjedhjet e parakohshme do të bisedohet në takim ndërsa për vendimin e zgjedhjeve të parakohshme, kryeministri Zaev është konsultuar edhe me partnerin e koalicionit, Ali Ahmeti.
Mickoski pret që në takimin e liderëve të arrihet marrëveshje për zgjedhje të parakohshme kuvendare vetëm më formim të Qeverisë teknike. Ai nuk është i bindur nga deklarata e Zaev për zgjedhje të shpejta.
“Ligji është i qartë, dihet se çfarë do të thotë zgjedhje parlamentare, çfarë nënkuptojnë ligjet në zgjedhjet parlamentare, etj. Thjesht duhet t’i respektojmë dhe menjëherë të shpallim zgjedhje dhe të formojmë qeveri teknike, kryeministër teknik dhe të shkojmë në zgjedhjet e parakohshme parlamentare”, deklaroi Mickoski pas një ngjarje partiake në Gostivar, si pjesë e fushatës “Bisedime për rindërtimin e Maqedonisë”.
Qëndrimet i Mickoskit i komentoi edhe LSDM-ja duke thënë se kryetari i OBRM-PDUKM-së dëshiron të ikë nga mbajtja e zgjedhjeve.
Edhe për Ali Ahmetin zgjedhjet janë zgjidhja më e mirë pas dështimit të marrjes së datës.
“Zgjidhja më e mirë e vendit tonë është që të shkohet në zgjedhje të jashtëzakonshme. Unë do të doja të mos kërkohet faj për shkak se është e papranueshme të pranohet faji i padrejtë”, tha mes tjerash Ahmeti.
Për ASH është është lajm i mirë që do të ketë zgjedhje të parakohshme kuvendare ndërsa Lëvizja Besa është për mbajtjen e zgjedhjeve të parakohshme me Qeveri teknike.
Kryetari Pendarovski në fjalim pas vendimit negativ nga Këshilli Evropian theksi se është koha që të shfaqet unitet rreth orientimit strategjik të shtetit, pa dallim dallimeve politike./Telegrafi/