Mane po e shijon tashmë jetën në Gjermani: Mori altoparlantin dhe iu bashkua ultrasëve të Bayernit

Sadio Mane u ngjit në tribunë dhe filloi të këndonte me ultrasit e Bayern Munichut pas një mposhtjeje 6-1 të Eintracht Frankfurt.

Pasi mposhtën RB Leipzig në një thriller argëtues me tetë gola në Superkupë javën e kaluar, kampionët në fuqi të Bundesligës ishin të papërmbajtshëm në ndeshjen e parë të këtij sezoni e tyre në Bundesligë.

Mane ishte në listën e golashënuesve dhe iu deshën më pak se 30 minuta për të shënuar golin e tij të parë në kampionatin gjerman, ndërsa Joshua Kimmich, Benjamin Pavard, Serge Gnabry dhe Jamal Musiala (2) ishin gjithashtu në listë ​​në fitoren e madhe ndaj fituesve të Ligës së Evropës.

Lexo po ashtu Afati kalimtar veror 2022

Fitorja e madhe shkaktoi festime të mëdha në seksionin mysafir dhe nënshkrimi i ri – Mane, tashmë shumë i dashur nga tifozët, u përfshi në disa skena të shkëlqyera.

Ndërsa të gjithë lojtarët shkuan te tifozët dhe duartrokitën ndërsa qëndronin në fushë, ylli i Senegalit u ngjit në “murin” mbrojtës dhe përfundoi me një altoparlant në dorë.

Lexo po ashtu Sa i frikshëm mund të jetë Bayerni me këtë formacion dhe me transferimet që kanë realizuar: Bavarezët për tripletë?

Më pas ai drejtoi brohoritjet, ndërsa tifozët e Bayernit ishin njëzëri me të. Shokët e tij të skuadrës në terren gjithashtu e pëlqyen atë dhe ushqeheshin me energji nga ultrasit.

30-vjeçari hoqi edhe fanellën dhe ia dhuroi një tifozi me fat në sektorin mysafir. /Telegrafi/