Site icon Telegrafi

Manchester Unitedi shkatërron RB Leipzigun duke e mposhtur thellë, Rashford shkëlqen me het-trik

Shkumbin Pireva

Manchester Unitedi ka mposhtur me lehtësi dhe rezultat të thellë 5-0 RB Leipzigun në ndeshjen e dytë të Grupit H në Ligën e Kampionëve.

Djajtë e Kuq kanë vazhduar formën e lartë në Ligën e Kampionëve, pasi pas fitores në udhëtim te Paris Saint-Germain, kanë mposhtur edhe RB Leipzigun.

Pjesa e parë e ndeshjes u karakterizua me lojë thuajse të barabartë, por me Unitedin për një nuancë më të mirë, duke shënuar edhe një gol.

Goli i vetëm në këtë pjesë erdhi në minutën e 21-të dhe ishte Mason Greenwood, i cili shënoi për 1-0 pas asistimit të Paul Pogba.

Në pjesën e dytë, Djajtë e Kuq ishin edhe më konkret duke menaxhuar mirë lojën dhe duke shënuar edhe katër gola tjerë për të siguruar fitoren e radhës.

Marcus Rashford i inkuadruar në pjesën e dytë ishte vendimtar me tri gola, ndërsa një e shtoi edhe francezi Anthony Martial.

Anglezi shënoi në minutën e 76-të për 2-0, dy minuta më vonë për 3-0, ndërsa Martial shënoi për 4-0 nga pikë e bardhë në minutën e 86-të.

Unitedi gjeti edhe një gol në minutën e 89-të, por iu anulua nga VAR-i, ndërsa në minutat shtesë ishte Rashford, i cili vulosi rezultatin përfundimtar 5-0.

Pas kësaj fitore, Unitedi e sheh veten në pozitën e parë me gjashtë pikë, ndërsa RB Leipzig renditet i treti me tri pikë.

Në ndeshjen e radhës, anglezët udhëtojnë te Istanbul Basaksehir, ndërsa gjermanët e presin PSG-në. /Telegrafi/

 

Exit mobile version